ACTA 01/2002
ACTA DE SESIÓN ORDINARIA DO CONCELLO REALIZADA O DÍA 7 DE FEBREIRO DE 2002
ORDE DO DÍA:
1.-APROBACIÓN, SE PROCEDE, DA
ACTA ANTERIOR
2.-DAR CONTA DAS
RESOLUCIÓNS DA ALCALDÍA
3.-APROBACIÓN INICIAL, SE
PROCEDE, S/ CORRECCIÓN DE ERROS
NNSS EN UG-5
4.- MOCIÓN DO PSG-PSOE S/ SOLIDARIEDADE CON ARXENTINA
5.- MOCIÓN DO PSG-PSOE S/ MELLORAS NA C-550
6.- MOCIÓN DE EdeG-OV S/
CONTRATACIÓN DE PERSOAL
7.- MOCIÓN DO BNG S/ CREACIÓN DA COMISIÓN DE SEGUIMENTO DA VÍA RÁPIDA
8.- MOCIÓN DO BNG S/ BEIRARRÚAS NA ESTRADA DE VERDUCEDO
9.- ROGOS E PREGUNTAS
CONCELLEIROS:
D. Javier Abal Juncal
D. José Manuel
Cordeiro Portela
D. Alberto Currás
Piñeiro
Dna. María C.
Costas Gayo.
D. José González
González.
Dna. María Martín
Alonso.
Dna. Carmen
Sotelo Pena
Dna. Carmen
Entenza Domínguez.
D. Osbaldo Martínez
Couso
D. José Luis
Leite Fraga
D. Julio Martínez
Rodríguez
D.Xosé
Manuel Millán Otero.
D.
Rosendo Moreira Piñeiro.
D.Serxio Regueira
Gómez.
Dna. Isabel
Lorenzo Martínez.
D. José
E. Santos Leites.
Na casa do
concello de Moaña, o 7 de febreiro de 2002, reúnense os devanditos señores
baixa a presidencia do Sr. alcalde, D. Javier Barreiro Tenorio, asistidos por
min, o secretario, coa finalidade de realizar o Pleno Ordinario da Corporación,
anunciado para o día de hoxe ás 20:00 horas, en primeira convocatoria.
A presidencia declara aberta a sesión ás 20:00 horas.
INCIDENCIAS:
Altérase a orde do día dos asuntos que hai que tratar na forma transcrita nesta acta. Ás 20:25 horas, ó tratar o punto 2 “Resolucións”, auséntase o Sr. Leite Fraga. Ás 20:50 horas, tratado e votado o punto 4, retírase o Sr. Martínez Couso, e igualmente o fain o Sr. Martínez Rodríguez, quen se incorpora o acto no debate do punto 7. Neste punto retírase a Sra. Entenza Domínguez, incorpórase no seguinte punto. Por último, o Sr. Abal Juncal auséntase no punto cinco, incorporándose no seguinte, o oito.
1.-APROBACIÓN, SE PROCEDE,
DA ACTA ANTERIOR
INTERVENCIÓNS:
O Sr. Millán Otero manifesta que non se
adoptou o acordo que figura no punto 6 da orde do día da sesión realizada o 29
de novembro de 2001, pois na parte dispositiva do dito acordo, entre outros,
dise “destino ó centro de día”. Polo tanto non está de acordo co borrador que
se pretende aprobar neste acto, á par que na sesión do día 28 de decembro
pasado non se recollía esta circunstancia.
O Sr. Leite Fraga discrepa do borrador
da sesión do día 29 de novembro por idénticas causas esgrimidas polo Sr. Millán
.
O Sr. Santos Leites insiste en que non
sabía no seu momento qué acordo había de adoptarse no referido no punto 6 da
sesión do 29 de novembro pasado. A parte dispositiva do dito acordo non se
axusta á realidade.
Por pedimento da Presidencia intervén o
secretario do Concello e manifesta que a parte dispositiva do acordo nos seus
catro puntos é a correcta, pois no expediente de afección incoado consta o
destino que ha de darse o ben que se recupera.
VOTACIÓN
E ACORDO:
A Corporación, en votación ordinaria e con dez votos a favor (Srs. Barreiro Tenorio, Abal Juncal, Cordeiro Portela, Costas Gayo, Currás Piñeiro, Entenza Domínguez, González González, Martín Alonso, Martínez Couso, e Sotelo Pena do PP) e sete abstencións (Srs. Millán Otero, Moreira Piñeiro, Lorenzo Martínez e Regueira Gómez do BNG; Sres. Martínez Rodríguez, Leite Fraga do PSOE; e Sr. Santos Leites de EdeG) acordan ratificar en todas as súas partes os puntos recollidos na parte dispositiva do acordo adoptado no punto 6 da orden do día da sesión 13/2001 do día 29 de novembro. En consecuencia, apróbase o borrador da acta da sesión 13/2001 e 14/2001.
2.-DAR CONTA DAS
RESOLUCIÓNS DA ALCALDÍA
A Corporación queda ó corrente. Non obstante, o Sr. Leite Fraga solicita a palabra á Presidencia para facer constar a súa enérxica protesta por non dotar os grupos políticos dos medios suficientes para o exercicio das súas funcións, algo que se atopa recoñecido no ROM.
Replícalle o Sr. alcalde que esa pregunta debe formulala no correspondente apartado, que o non ser atendido e a súa pretensión non é outra que xustificar a súa retirada do salón de sesión como desculpa, ten esta autorización da Presidencia.
3.-APROBACIÓN INICIAL, SE
PROCEDE, S/ A CORRECCIÓN DE ERROS NNSS
EN UG-5
O alcalde informa á Corporación da incoación de expediente para corrixir erros nas normas subsidiarias, no dito expediente consta documentación técnica, gráfica e informes do arquitecto municipal, asesor xurídico e Secretario Xeral do Concello, emitidos en sentido favorable.
Os ditos informes din respectivamente
como seguen;
-Do
arquitecto municipal:
“Nª de expediente: interno.-
Departamento: urbanismo.- Asunto.- Corrección de errores de las NN.SS
municipales sobre determinaciones de alturas en la UG-5.- Emplazamiento: UG-5.
Promotor: Ayuntameinto de Moaña. INFORME:
Detectada en las Normas Subsidiarias de
Planeamento del Municipio de Moaña una contradicción entre las alturas
ordenadas en las Normas Urbanística y los Planos de Ordenación de dicho
documento urbanístico, se llega a la conclusión siguiente:
En el transcurso de la tramitación y
del resultado del trámite de exposición
pública de las NN.SS vigentes se modifica la altura en el frente de la
csaretera C-550 en el ambito de la UG-5, estableciendose dicha modificación en
los planos de ordenación y no así, por olvido, en las Normas Urbanísticas.
En cualquer caso, la edificabilidad
propuesta por las Normas Urbanística de
las Normas Subsidiarias de Planeamento del Municipio de Moaña (1,43 m2/m2) es
incongruente con las alturas que señala la ficha de la unidad de getión 5 (B+1
y B+2), ya que no es posible encajar dicha edificabilidad en las áreas
edificables señaladas en la documentación gráfica de las Normas: planos de
ordenación.
Por otro lado estas alturas que figuran
en la ficha de las Normas Urbanística son alturas genéricas, mientras que las
alturas señaladas en la documentación gráfica: planos de ordenación son alturas
específicas para cada área o vomumen edificable, lo que presupone por el
principio de mayor especificidad que la ordenación correcta es la ordenación
propuesta en los planos de ordenación.
La presente corrección de errores de
las Normas Subsidiarias del Planeamento del municipio de Moaña, no supone
alteración del aprovechamiento, edificabilidad, alineaciones, usos del suelo,
ni zonificación; unicamente resuelve la contradicción existente entre la
redacción de la regulación de las alturas máximas en las Normas Urbanísticas,
(bajo y dos plantas) y los planos de ordenación, (bajo y tres plantas).
En
consecuencia,
Se informa favorablemente la presente
corrección de errores detectados en la ordenación de las alturas en el ámbito
de actuación de la UG-5.
Moaña,
15 de enero de 2002
Alfonso
Lage Pérez-Arquitecto Municipal”
-Do asesor xurídico:
“INFORME: 28 de Enero de 2.002
ASUNTO: Corrección de errores del
Acuerdo de aprobación definitiva de las NNSS vigentes en el Concello de Moaña,
aprobadas por el Concello de Moaña el día 5 de febrero de 1.996, publicadas en el B.O.P. nº 13 de 29 de mayo
de 1.996.
I N F O R M E
I..- ANTECEDENTES.-
Se ha comprobado por los Servicios Técnicos del Concello la existencia de
una contradicción en las Normas Subsidiarias de Planeamiento del Concello de
Moaña, que afecta a las alturas
previstas para el ámbito de la UG-5, toda vez que mientras que en las Normas,
concretamente en “ORDENACIONES SINGULARES 2.3.4.1.7” se prevé una altura máxima
de bajo y dos plantas, en la documentación gráfica (los planos) de dicho
Planeamiento se establece una altura máxima de bajo y tres plantas.
Tal contradicción en la normativa
urbanística, que llevaría consigo –de acuerdo con la Jurisprudencia- la prevalencia
de lo dispuesto en el articulado sobre
lo grafiado en los planos, se plantea poor el Concello como un error en el
artículado, pues existe como antecedente para el reconocimiento de la
posibilidad del aprovechamiento urbanístico de bajo y tres plantas para el
ámbito UG-5, el hecho de que enb la
Comisión de Gobierno de 21 de diciembre de 1.987 se adoptó el acuerdo de
autorizar hasta una altura máxima de bajo y cuatro palantas en la zona en donde
se ubica la UG-5, con el compromiso de reflejar esta altura en las NNSS, a
cambio de la cesión gratuita por parte de don Manuel Pousada, gerente de
Gestoría Inmobiliaria “RANDE” de 1.500 m2 de terreno, situados en Lestón, con
destino a la construcción del Golegio de E.G.B.
Sobre tal cuestión se emite informe por el arquitecto municipal el día 15 de enero del año en curso, en el que se refiere que:
“En el transcurso de la tramitación y del
resultado del trámite de exposición pública de las NNSS vigentes se modifica la
altura en el frente de la carretera C-550 en el ámbito de la UG-5,
estableciendose dicha modificación en los planos de ordenación y no así , por
olvido, en las Normas Urbanísticas.”
“En cualquier caso, la edificabilidad
propuesta por las Normas Urbanísticas de las Normas Subsidiarias de
Planeamiento del Municipio de Moaña
(1.43 m2/m2) es incongruente con las alturas que señala la ficha de la unidad
de gestión 5 (B+1 y B+2), ya que no es posible encajar dicha edificabilidad en
las áreas edificables señaladas en la documentación gráfica de las Normas:
planos de ordenación.”
“Por otro lado estas alturas que figuran en la ficha de las Normas Urbanísticas son alturas genéricas, mientras que las alturas señaladas en la documentación gráfica: planos de ordenación son alturas específicas para cada área o volumen edificable, lo que presupone por el principio de mayor especificidad que la ordenación correcta es la ordenación propuesta en los planos de ordenación.”
“La presente corrección de errores de las
Normas Subsidiarias de Planeamiento del Municipio de Moaña, no supone alteración del aprovechamiento, edificabilidad, alineaciones, usos del
suelo,ni zonificación; unicamente resuelve la contradicción existente, entre la
redacción de la regulación de las alturas máximas en las Normas Urbanísticas
(bajo y dos plantas) y los planos de ordenación (bajo y tres plantas)
Esta
facultad revisora es reconocida a la Administración autora del Planeamiento el
art. 302 del Texto Refundido de las disposiciones estatales vigentes sobre
Régimen del Suelo y Ordenación Urbana, aprobado por Real Decreto Legislativo
1/1.992, de 26 de junio.
Dicha
corrección de errores materiales ha de tramitarse conforme el art. 105.2 de Lei
30/92, de 26 de noviembre sobre Régimen
Jurídico de las Administraciones
Públicas y Procedimiento Administrativo
Común (el art. 302 del TRLS se remite al derogado 109 de la Ley de
Procedimiento Administrativo de 1.958), debiendo hacerse las publicaciones
previstas para una modificación, de manera que se den correctamente los
trámites de audiencia y vista, debiendo hacerse la correspondiente comunicación
a la Xunta de Galicia sobre la incoación del expediente.
Fdo:
José Ramón Vazquez Cueto.- Letrado Asesor Jurídico”
-Do secretario do concello:
“ASUNTO:
CORRECCIÓN DE ERROS NAS NORMAS SUBSIDIARIAS
O
concelleiro de Urbanismo solicitou un informe e en cumprimento no disposto no
art. 54 do Real decreto 781/86, emítese o seguinte con base nos antecedentes
1.- As Normas subsidiarias de
planeamento de Moaña, vixente dende o ano 1996, no ámbito da unidade de xestión
número 5, detéctase o erro consistente na contradicción manifesta entre as
alturas ordenadas nas normas e as que figuran nos planos de ordenación, como
así se confirma no informe desenvolvido polo arquitecto municipal.
2.- Preténdese corrixir os ditos
erros sen levar a efectos a modificación puntual das normas, á par que non
supón alteracións na edificabilidade, aliñacións, usos do solo, etc. senón
resolver a contradicción existente entre o articulado e a documentación
gráfica.
3.- Facilítaseme o informe do asesor
xurídico en relación coa proposta.
Con base en canto antecede, o
secretario xeral, emite o seguinte
I N F O R M E:
PRIMEIRO.- Lexislación aplicable,
art. 105.2 da Lei 4/99, do 13 de xaneiro; art. 42 da Lei 1/97, do 24 de marzo,
e art. 47 da Lei 7/85, do 2 de abril.
SEGUNDO.-
Considero viable a corrección de erros proposta polo Concello, amparada polo
art. 105.2 de Lei 4/99; deberá unirse á dita proposta a documentación
gráfica necesaria .
TERCEIRO.-
En canto á tramitación rexerá o disposto no art. 42 da Lei 1/97, que despois da
aprobación inicial, publicarase o acordo e obterase o informe preceptivo da
CPTOPV para a aprobación definitiva co quórum establecido no art. 47 da Lei
7/85.
É
canto debo informar, non obstante, o Pleno decidirá.
Moaña, 4 de
febreiro de 2002
O SECRETARIO”
INTERVENCIÓNS:
O Sr. Santos Leites expón que a
documentación que consta no expediente foille entregada o martes pasado e, por
tanto, non tivo tempo de realizar un estudio desta; sen embargo, dubida do
procedemento que hai que seguir. Fai constar que non pretende boicotear o
expediente pero solicita que o redactor das normas aprobadas en 1996 emita
informe. Adianta que se absterá na votación.
O Sr. Martínez Rodríguez di que se trata dun expediente antigo,
que existe convenio de cesión de terreos para construír o colexio da Guía,
solicita que no futuro esta clase de temas se leve con negociación e
asesoramento suficientes. Adianta que votará a favor da proposta.
O Sr. Millán Otero votará a favor da
proposta por tratarse dunha aprobación inicial, o que supón a información
pública para alegacións e previo informe emitido pola CPTOPV, se este fose
favorable, procederíase á aprobación definitiva da proposta. Esixe que se
respecte as ordenanzas de construcción e cre difícil conseguir a
edificabilidade proposta coas alturas actualmente autorizadas.
Por último, o delegado de Urbanismo,
Sr. Abal Juncal, cre que o máis correcto é corrixir os erros detectados nas
normas é falando coas partes chegarase a bo fin.
VOTACIÓN
E ACORDO:
A Corporación, en votación ordinaria e
con 15 votos a favor (Barreiro Tenorio, Abal Juncal, Cordeiro Portela, Costas
Gayo, Currás Piñeiro, Entenza Domínguez, González González, Martín Alonso,
Martínez Couso e Sotelo Pena, do PP ; Martínez Rodríguez do PSG-PSOE; e Millán
Otero, Moreira Piñeiro, Lorenzo Martínez, Regueira Gomez do BNG) e unha
abstención, a do Sr. Santos Leites de EdeG,
acordan tramitar o expediente incoado de corrección de erros nas NNSS,
conforme o determina o art. 42 da Lei 1/97, do 24 de marzo, do solo de Galicia.
4.- MOCIÓN DO
PSG-PSOE S/ SOLIDARIEDADE CON ARXENTINA
Despois dunha breve exposición, le a moción o Sr. Martínez Rodríguez, e di:
“José Luis Leite Fraga, como portavoz do grupo municipal do PSG-PSOE no Concello de Moaña, presenta á consideración do Pleno a seguinte,
M O C I Ó N
Exposición
de motivos:
Como é sabido, a crise económica que se
vive na República Arxentina está afectando de xeito importante a unha boa parte
da colectividade galega que alí reside.
Con tal motivo, o PSdeG-PSOE acordou
promover unha campaña de sensibilización e apoio os milleiros de familias que
sofren a problemática derivada da crise e que precisan da nosa solidariedade.
Para tal fin consideramos de interese presentar iniciativas e propostas nos
distintos ámbitos políticos e institucionais (Congreso dos Deputados, Senado,
Parlamento Galego, Deputación Provincial, Concellos…)
Por todo o anteriormente exposto, propoñolle
ó Pleno que adopte o seguinte,
A C O R D O:
O
CONCELLO DE MOAÑA, diante da grave situación de crise que vive a República
Arxentina e as previstas consecuencias que esta puidese ter para o conxunto dos
galegos alí residentes, insta a Xunta de Galicia a:
1.- Dispoñer as partidas económicas necesarias
que permitan acometer un programa de actuación extraordinario e urxente que
debe contemplar cando menos as seguintes:
a ) Habilitación dunha oficina de coordinación, asesoramento e información que, con carácter temporal e dependente da Consellería de Emigración e Cooperación Exterior, deseñe un mapa de necesidades, priorice as actuacións, coordine as distintas iniciativas públicas e privadas de solidariedade cos galegos residentes na Arxentina, asesore e preste asistencia técnica a concellos, deputación e entidades privadas dispostas a prestar axudas de emerxencia, coordine as actuacións solidarias coas distintas administracións autonómica e do Estado, etc.
2.-
Demandar do Goberno central con carácter de urxencia, o deseño de
programas de emerxencia social específicos para os emigrantes españois
residentes na República Arxentina que pola súa idade, situación económica,
social ou de saúde así o requiran.
3.- Instar o Goberno do Estado a promover as
modificacións lexislativas en materia de nacionalidade que permitan o retorno
en condicións dignas de todos aqueles que perdesen a nacionalidade española ou
que a demanden por primeira vez por razón de parentesco.
4.- Instar o Goberno central a dotar dos medios necesarios, ás oficinas consulares e á embaixada de España en Arxentina, para que dispensen os seus servicios coa calidade e a dignidade que as persoas demandantes deles se merecen. “
INTERVENCIÓNS:
O Sr. Santos Leites, manifesta que o estado no que se atopa a nación Arxentina é producto das dictaduras que gobernaron durante certo tempo.
O alcalde expón que a moción está ben
presentada pero a considera oportunista, á par que o Sr. Martínez Rodríguez
coñece que tanto o Goberno Central como o Autonómico tratan de axudar con todos
os medios a nación arxentina.
VOTACIÓN
E ACORDO:
A Corporación, en votación ordinaria e
por unanimidade dos asistentes, acorda aprobar nos seus propios termos a moción
epigrafada.
Por acordo dos corporativos asistentes, altérase a
orde do día. Pásase a tratar o punto número 6 deste.
6.- MOCIÓN DE EdeG-OV S/ A
CONTRATACIÓN DE PERSOAL
Expón o Sr. Santos Leites que coa
aprobación da presente moción trátase de poñer orde e rigor na contratación do
distinto persoal para substitucións en postos de persoal funcionario e laboral.
Certo é que en principio e posterior ó compromiso adoptado, houbo certo rigor,
pero este durou moi pouco, por iso formulo a miña máis enérxica protesta na
política seguida polo concelleiro delegado de persoal.
Seguidamente le a moción que di como
segue:
“Euloxio Santos Leites, concelleiro de Esquerda de Galicia, proponlle ó Pleno da Corporación para o seu debate a seguinte:
M O C I Ó N:
A política de contratacións de persoal
levada a cabo polo grupo de goberno do Partido Popular caracterízase pola
discrecionalidade e a arbitrariedade, e tradúcese en que na práctica o único
método utilizado para a selección de traballadores é o recurso ó decreto ou a
resolución da Alcaldía, sexa cal sexa a natureza da praza.
As listas de demandantes de emprego
municipal que se elaboraron fai dous anos por iniciativa de EdeG e co
finalidade de cubrir temporalmente baixas laborais e substitucións están nestes
momentos totalmente desvirtuadas e desvalorizadas, constituen un engano para a
poboación xa que moitas das contratacións realizadas corresponden a persoas que
non estaban nin sequera nestas listas, ou estando nelas, tiñan a outras persoas
por diante, co cal se conculca o dereito das persoas que boamente se
inscribiron no seu día, así mesmo, dáse a situación nalgunhas categorías de
persoal que, habendo baixas, as listas non corren nunca, co cal o principio de
rotación tamén se incumpre.
Por outra banda, tamén a resolución do
alcalde é o método utilizado para cubrir postos mediante contratos que en
moitos casos van ter unha duración superior ó ano, como sucede coas xubilacións
de persoal de plantilla, o cal constitúe unha grave irregularidade, pois
trátase de prazas que forman parte do cadro de persoal municipal e que deberán
ser cubertas mediante a oportuna oferta de emprego público, único xeito de
garantir os principios constitucionais de publicidade, mérito e capacidade no
acceso á función pública, e que é a única maneira de que todos os interesados
en traballar no eido municipal se informen das vacantes que se van producindo,
e teñan a oportunidade de presentarse ós procesos de selección se cumpren os
requisitos esixidos, en igualdade de condicións.
Por as razóns expostas, é polo que
dende EdeG demandamos que se adopten os seguintes
A C O R
DO S:
1.-
Que se respecten as listas de persoal para realizar substitucións
correspondentes a baixas e permisos, actualizándoas nos casos que sexa
necesario.
2.-
Cando sexan prazas do cadro de persoal, producidas por xubilacións, invalidez..
ou substitucións superiores a seis meses, que se anuncie a convocatoria do
oportuno concurso público. “
INTERVENCIÓNS:
Por telo solicitado, intervén o presidente do comité de empresa, quen manifesta que non ten obxecto confeccionar listas de selección se ó fin non se utiliza, por eso, deben suprimirse. Trata de expoñer asuntos alleos a moción e o alcalde chámao á orde para que se cinga ó punto da orde do día, que é aceptado.
VOTACIÓN
E ACORDO:
A Corporación, en votación ordinaria e
con cinco votos a favor (Srs. Millán Otero, Moreira Portela, Lorenzo Martínez e
Regueira Gómez do BNG; e Sr. Santos Leites de EdeG) e nove en contra (Srs.
Barreiro Tenorio, Abal Juncal, Cordeiro Portela, Costas Gayo Currás Piñeiro,
Entenza Domínguez, González González, Martín Alonso, e Sotelo Pena do PP)
acordan rexeitar a moción presentada.
O Sr. Santos Leites en explicación de
voto asegura que votar en contra da moción significa facelo contra a lei.
7.- MOCIÓN DO BNG S/ CREACIÓN DA COMISIÓN DE SEGUIMENTO DA VÍA RÁPIDA
Le a
moción o Sr. Regueira Gómez, o texto literal da cal di:
“MOCIÓN DO BNG PARA A CONSTITUCIÓN DUNHA COMISIÓN ESPECIAL DE SEGUIMENTO DO CORREDOR DE ALTA CAPACIDADE DO MORRAZO.- O fomento da participación cidadá foi desde sempre un principio básico da xestión municipal no Concello de Moaña. Así o asume o Regulamento de participación veciñal, que no seu preámbulo recolle a necesidade de incentivar a cooperación entre os distintos colectivos sociais e a institución municipal e a obriga de facilitar a participación e a información veciñal.
Nestes momentos, está en proxecto a
execución dunha obra, o Corredor de Alta Capacidade do Morrazo, que pola súa
envergadura e consecuencias sociais vai demandar nos anos vindeiros unha
atención continuada por parte da Corporación municipal e unha intervención decidida na defensa dos
intereses veciñais.
Os distintos colectivos do noso
concello (xuntas de montes, sociacións de veciños, comunidades de augas e
asociacións profesionais) veñen asosando desde tempo atrás a súa preocupación por unhas obras que
provocarán cambios substanciais na configuración de distintos barrios afectando
tamén de forma aínda imprevisible a intereses particulares e colectivos
(traídas de augas, bens afectados ás obras, patrimonio histórico e ambiental,
etc.)
Para afrontar esta problemática cun
espírito de diálogo e transparencia faise necesario habilitar desde a
Corporación canles de participación estables que permitan a información
continua ós cidadáns e a formulación de iniciativas consensuadas. A lexislación
de réxime local e o Regulamento de participación veciñal do Concello de Moaña
prevé para este fin a posibilidade de constituír órganos específicos para o
estudio e seguimento de asuntos que pola súa entidade así o demanden. Así, cabe
recordar o funcionamento no anterior mandato dunha Comisión de Seguimento das
obras portuarias e a constitución hai poucos meses da Comisión de Seguimento do
Transporte Público.
Con estes antecedentes, o grupo
municipal do BNG proponlle ó Pleno da Corporación Municipal que adopte os
seguintes
A C O R D O S:
1.-
Constituír na maior brevidade posible, unha Comisión Especial de Seguimento das
obras da Vía de Alta Capacidade do Morrazo, presidida polo alcalde ou persoa en
quen delegue e formada por representantes dos partidos políticos con
representación municipal, xuntas de montes, Federación de Asociacións de
Veciños, comunidades de augas e asociacións profesionais que así o demanden.
2.-
O obxectivo desta Comisión Especial de Seguimento, de duración indefinida, será
entre outras que se determinen:
a) O intercambio de información
entre a Administración e os afectados sobre as obras de construcción da Vía de
Alta Capacidade.
b) O estudio dos problemas que a construcción da vía poida xerar entre os distintos colectivos afectados.
c) Propoñerlle ó Goberno local ou ás administracións competentes
solucións consensuadas a estes problemas. “
O alcalde manifesta que lle é moi grato coñecer que o BNG se atopa a favor da construcción da vía rápida.
Replícalle ó alcalde o Sr. Millán Otero
e di que como alcalde debe Vd. informar, escoitar e asesorar os veciños de
Moaña actuando en consecuencia como primeira autoridade municipal, non como
delegado ou correo do Sr. Cuiña Crespo. Insiste en que a vía rápida favorece só
e exclusivamente a Cangas e Bueu e prexudica a Moaña. O actual trazado non
serve, hai que proxectar accesos e circunvalacións, en definitiva non hai
investimentos que beneficien tanto os prexudicados que porporcionan fincas como
os futuros usuarios.
O delegado de Urbanismo cre axeitado
que se trate a moción na Comisión Informativa de Urbanismo coa posibilidade de
crear a Comisión de Seguimento que se solicita na moción.
Replica o Sr. Millán que para qué
tratar a moción en Comisión Informativa se como noutros casos análogos non
chegará a reunirse a citada comisión para este fin.
Por último, o Sr. Santos Leites, aínda
estando en contra da vía rápida, atópase a favor de crear a Comisión Especial
de Seguimento pedida na moción.
VOTACIÓN
E ACORDO:
A Corporación, en votación ordinaria e
con seis votos a favor (Srs. Millán Otero, Moreira Piñeiro, Lorenzo Martínez e
Regueira Gómez do BNG; Sr. Martínez Rodríguez do PSG-PSOE e Sr. Santos Leites
de EdeG) e oito en contra (Sres. Barreiro Tenorio, Abal Juncal, Cordeiro
Portela, Costas Gayo, Currás Piñeiro, González González, Martín Alonso e Sotelo Pena do PP) acordan
rexeitar a moción presentada.
5.- MOCIÓN DO PSG-PSOE S/ MELLORAS NA C-550
Le a moción o Sr. Martínez Rodríguez e
di:
“José Luis Leite Fraga, como portavoz do
grupo municipal do PSG-PSOE no Concello de Moaña presenta á consideración do
Pleno a seguinte
MOCIÓN
Exposición
de motivos:
Fai ano e medio cando o conselleiro Cuiña presentou en Moaña a V.A.C. tamén se fixo referencia a actuacións de mellora na C-550 por importe de 12.650.000 Euros (2.100 MILLÓNS DE PESETAS). Como na mellor das previsións esta nova vía non estará rematada ata dentro de 3 anos, o que unido á inminente liberación parcial da peaxe de Rande, o cal provocará un importante aumento no número de vehículos que circulan diariamente pola C-550 (a día de hoxe xa son máis de 20.000 veh./día) o que redundará desgraciadamente no aumento de accidentes e atropelos que se están a producir nesta vía. Os socialistas cremos, polo tanto, que se fai urxente actuar decididamente nesta estrada para mellorar a circulación e reducir os sinistros durante os próximos 3 anos.
Dentro das medidas que propoñemos para mellorar a C-550 están as seguintes:
1.-Construcción onde non existan e renovación das beirarrúas ó longo de toda a estrada dende Rande ata Cangas. Existen numerosos tramos onde non existen beirarrúas e outros moitos onde está esta á mesma altura ou incluso máis baixa que a calzada . Ó tempo deberíanse dotar de iluminación pública todos os tramos para mellorar a visibilidade tanto de vehículos como de peóns.
2.- Ensanchamento con mellora do trazado e do firme nos tramos onde sexa posible. Actuacións como o ensanche do novo supermercado en Vilela amosan que existen algunhas zonas onde si é posible ensanchar a C-550.
3.- Construcción de novas rotondas nos cruces de Domaio, A Guía , Meira, Lestón e Vilela. Estas deberán sempre ser financiadas ó 100% pola Xunta por ser a C-550 unha estrada da súa competencia . E inadmisible pensar en fórmulas de financiamento compartidas co Concello como se vai facer na rotonda do cruzamento de Lestón.
4.- Análise rigorosa e implantación eficiente de novas medidas de seguridade viaria. Optimizar a localización dos pasos de peóns. Pintados fluorescentes e colocación de “ollos de gato” luminosos para a noite. Instalación de máis e mellores valos de seguridade nas zonas de maior sinistralidade. Regulación intermitente dos actuais semáforos en función da intensidade do tráfico para evitar as continuas ralentizacións e o conseguinte perigo de accidente.
Como exemplo dunha actuación sen o mais mínimo rigor e que en moitos casos empeora en vez de mellorar, destacamos a chapuza da instalación nos últimos días das bandas rugosas indiscriminadamente en todo o longo da vía.
Por todo o anteriormente exposto, propoñolle ó Pleno que adopte o seguinte:
A C O R D O:
Que o Concello lle reclame á
Consellería de Ordenación do Territorio unha actuación urxente de acondicionamento e mellora da seguridade
viaria da C-550.”
Interesa que se achegue á moción o expediente de expropiación tramitado no seu momento, documento que se une.
INTERVENCIÓNS:
O Sr. Millán Otero pide que se contacte
con veciños propietarios de terreos para que os cedan ou, noutro caso, que se
expropien os terreos necesarios.
O alcalde manifesta que se atopa moi
ben redactada a moción, así como o seu contido; pero que a Xunta está
realizando melloras no tramo comprendido entre a Ponte de Rande e Cangas, polo
tanto é conveniente que se deixe as cousas conforme están.
A Corporación, en votación ordinaria e con dous votos a favor (Srs. Martínez Rodríguez do PSG-PSOE, e Sr. Santos Leites de EdG-OV) e nove votos en contra (Srs. Barreiro Tenorio, Abal Juncal, Cordeiro Portela, Currás Piñeiro, Costas Gayo, Entenza Domínguez, González González, Marín Alonso e Sotelo Pena do PP) e catro abstencións (Srs. Millán Otero, Moreira Piñeiro, Lorenzo Martínez e Regueira Gómez do BNG) acordan rexeitar a moción presentada.
8.- MOCIÓN DO BNG S/ BEIRARRÚAS NA ESTRADA DE VERDUCEDO
Expón o Sr. Millán Otero encontrar no
debate e votación da moción un consenso xeral, pois estas obras incluíanse no
programa electoral do grupo de goberno. Le a moción:
“MOCIÓN DO BNG SOBRE A ADOPCIÓN DE BEIRARRÚAS NA ESTRADA DE VERDUCEDO E O PIÑEIRO.- A estrada provincial que une o centro de Moaña con Verducedo e o Piñeiro por Pozonegro é unha das máis transitadas de Moaña ó dar servicio a estes barrios así como á Paradela e A Fraga. Nestes momentos, carece totalmente de beirarrúas ó longo do seu percorrido, polo que o tránsito peonil faise especialmente perigoso para as moitas persoas que a diario baixan ata o núcleo urbano. Por outra parte, ó non ter unha adecuada canalización de augas pluviais, a calzada convértese nunha auténtica riada en días de inverno dificultando incluso o tráfico rodado.
Os veciños de Verducedo e o Piñeiro teñen solicitado desde tempo atrás que se realicen as obras de urbanización da estrada. Esta demanda foi recollida nos programas de todos os grupos políticos nas anteriores eleccións municipais como unha das actuacións urxentes que había que desenvolver neste mandato. Sen embargo, faltando pouco máis dun ano para que remate, aínda non se deu ningún paso para cumprir con este compromiso.
Tendo en conta a lentitude con que se acostuman desenvolver estes proxecto e a necesidade de chegar a un acordo coa Deputación Provincial, responsable da estrada, o grupo municipal do BNG considera necesario que a Corporación tome de forma inmediata iniciativa para acometer as obras, polo que lle propón ó Pleno que aprobación os seguintes:
A C O R D O S:
A) Solicitar que os Servicios Técnicos Municipais do Concello elaboren un proxecto básico para construír as beirarrúas e recoller e canalizar as augas pluviais entre as Barxas e Verducedo, que estudien as necesidades de ampliación ou modificación do trazado e propoñan a mellor solución técnica para as obras.
B) Xestionar diante da Deputación Provincial a sinatura dun convenio similar ó realizado para a urbanización da estrada Meira-A Fraga que fixe a participación económica de Concello e Deputación, así como os prazos para a súa execución.
C)
Incluír nos orzamentos municipais do ano 2002 a partida suficiente para
posibilitar o inicio das obras. “
O alcalde contesta que en efectos son obras que se realizarán nesta lexislatura ó ser un compromiso electoral, pero que non teñan présa, posto que hai que darlle tempo ó tempo. Na redacción do Plan xeral faráselle saber ós técnicos do proxecto de ensanchamento e hai que falar con propietarios de fincas antes de que a Deputación confeccione o proxecto técnico pola Deputación. A presente moción deberá pasar á Comisión Informativa de Urbanismo.
Replica o Sr. Millán que nun asunto de tal transcendencia, pédelle ó grupo de goberno que se tome o asunto con maior seriedade.
VOTACIÓN
E ACORDO:
A Corporación, en votación ordinaria e con seis votos a favor (Srs. Millón Otero, Moreira Piñeiro, Lorenzo Martínez, e Regueira Gomez do BNG; Sr. Martínez Rodríguez do PSG-PSOE, e Santos Leites de EdeG-OV) e nove en contra (Srs. Barreiro Tenorio, Abal Juncal, Cordeiro Portela, Currás Piñeiro, Costas Gayo, Entenza Domínguez, González González, Marín Alonso e Sotelo Pena do PP) acordan rexeitar a moción presentada.
9.- ROGOS E PREGUNTAS
O Sr. Millán sobre o ingreso da compensación económica por cesións obrigatorias ó Concello no proxecto de compensación Domaio-A7, ingresáronselle setenta e seis millóns e medio de pesetas, faltan por ingresar oitenta e cinco millóns e medio de pesetas, ¿sabe cando se vai ingresar o resto? ¿Pénsase executar o acordo de embargo de fincas ?
O alcalde constestaralle por escrito.
O Sr. Martínez Rodríguez pregunta se pensa convocar o Consello Económico Social, pois leva un ano sen reunións. Desexa coñecer os investimentos ou fondos que lle corresponden a Moaña e como presidente da mancomunidade desexa que lle conteste.
O alcalde contestaralle por escrito.
O Sr. Regueira Gomez realiza as seguintes preguntas e rogos:
“Acta núm. 13 do 2001, do Pleno da Corporación realizado o día 29 de novembro de 2001. No punto núm. 6, a redacción da acta non se adapta o realmente aprobado, polo que na sesión do Pleno da Corporación realizado o día 28 de decembro de 2001 se pediu que se modificase o texto para que no texto da acta quedase perfectamente reflectido o realmente acordado. A dita modificación foi acordada por unanimidade pero non aparece recollida na acta que hoxe se somete á aprobación, polo que pedimos que sexa recollido o seguinte texto, que foi o realmente aprobado (Acordo adoptado no punto número 6 da orde do día do Pleno realizado o día 29 de novembro de 2001:
-Aprobar con carácter definitivo a desafectación do ben “Centro de preescolar da Fanequeira.
-Incorporar este texto ó expediente
correspondente e trasladalo á Xunta de Montes de Meira.
Contesta o alcalde que no punto
primeiro queda aprobado o borrador da acta á que fai referencia.
PREGUNTAS
1.- Con frecuencia aparece nos medios
de comunicación a falta de colaboración do Concello de Moaña con diferentes
institucións. De ser certos este feitos, o nome e credibilidade da institución
municipal está a sufrir un grave deterioro.
¿Por que a Alcaldía non remite a documentación que lle require ó
Concello o Valedor do Pobo, Tribunal Superior de Xustiza de Galicia ou calquera
outra institución pública?
O alcalde contesta que se remite
puntualmente a documentación a todos os organismos que a solicitan.
2.- Na execución da instalación dunha capa
de aglomerado no camiño P. Alfaia-Casa Nova-Pio do Viso, ¿Como se permitiu a
colocación do aglomerado sen as debidas garantías, limpeza e varrido das terras
así como o rego asfáltico de adherencia?. ¿Vai ser esta a práctica habitual das
obras que se realicen no Concello.?
O concelleiro de Servicios contesta que
as obras se executan de conformidade co proxecto técnico redactado.
3.- Durante a execución das obras de
mellora do acceso á zona industrial da Guía, as unidades de obra previstas
inicialmente foron modificadas, polo que entendemos que se vai producir un
remanente, ¿A que se vai destinar este remanente?
O concelleiro de Servicios contesta que
nas obras que se estaban executando non se prevía remanente ningún e se
existise, investirase en melloras da dita obra.
E, non sendo outro o obxecto, a Presidencia dá por rematada a sesión, ás 22:15 horas do día fixado no encabezamento, de todo o que, como secretario, DOU FE.
O ALCALDE O SECRETARIO