ACTA 06/2002
ACTA
DE SESIÓN EXTRAORDINARIA-URXENTE DO CONCELLO REALIZADO O DÍA 25 DE MAIO DE 2002
ORDE DO DÍA:
1.- MOCIÓN DOS
COMPOÑENTES DA CORPORACIÓN LOCAL SOBRE DESAPARICIÓN TRÁXICA DA SÚA COMPAÑEIRA
Dna. MARÍA MARTÍN ALONSO.
CONCELLEIROS:
D. Javier Abal Juncal
D. José Manuel
Cordeiro Portela
D. Alberto Currás
Piñeiro
Dna. María C.
Costas Gayo.
D. José González
González.
Dna. Carmen
Sotelo Pena
Dna. Carmen
Entenza Domínguez.
D. Osbaldo Martínez
Couso
D. José Luis
Leite Fraga.
D. Julio Martínez
Rodríguez
D.Xosé
Manuel Millán Otero.
D-Rosendo
Moreira Piñeiro.
D.Serxio Regueira
Gómez.
Dna. Isabel
Lorenzo Martínez.
D. José
E. Santos Leites.
Secretario . D.
Felipe Fermoso Valdés
Na
casa do concello de Moaña, o 25 de maio de 2002, reúnense os devanditos señores
baixa a presidencia do Sr. alcalde, D. Javier Barreiro Tenorio, asistidos por
min, o secretario, coa finalidade de realizar o Pleno Extraordinario-urxente da
Corporación, anunciado para o día de hoxe ás 13:30 horas, en primeira
convocatoria.
A presidencia declara aberta a
sesión ás 13:30.
1.- MOCIÓN DOS COMPOÑENTES DA
CORPORACIÓN LOCAL SOBRE DESAPARICIÓN TRÁXICA DA SÚA COMPAÑEIRA Dna. MARÍA
MARTÍN ALONSO.
O alcalde
exponlle á Corporación que o obxecto deste Pleno Extraordinario con carácter de
urxencia, non é outro que ler e aprobar, se procede, a moción presentada por
todos os seus membros como consecuencia da tráxica desaparición da nosa
compañeira MARÍA MARTÍN ALONSO.
Agradece
as innumerables mostras de condolencia recibidas desde institucións, partidos
políticos, colectivos e veciños, os cales acompañaron a familia nos actos de
inhumación dos restos da nosa compañeira que tivo lugar hai unhas horas.
A
moción di literalmente como segue:
Ante
a tráxica noticia recibida por esta Alcaldía no día de onte, comunicándome o
falecemento da nosa querida compañeira de Corporación, María Martín Alonso,
teño que manifestar que deixoume sumido na máis profunda dor, pois era algo que
non podía esperar.
É
dolorosa a desaparición de calquera ser querido, amigo ou compañeiro de
traballo, pero máis aínda tratándose dunha persoa alegre, simpática, en plena
xuventude e con moitas ganas de traballar nas obrigas que adquiriu na súa vida privada
ou pública. Creo que estes valores humanos adornaban a nosa querida compañeira
María, hoxe desaparecida en tráxicas circunstancias.
Polo
manifestado e como merecedora dunha última homenaxe da Corporación local de
Moaña da que formaba parte,
PROPOÑOLLES ás compañeiras e ós compañeiros de
Corporación, aquí presentes, que fagan súa a presente moción, adoptando os
seguintes
ACORDOS:
1º)
Decretar 3 días de loito oficial no termo municipal, deberá ondear a media
hasta, as bandeiras en todos os edificios públicos.
2º)
Transmitirlles a nosa máis sentida condolencia e pésame ós pais, Don Miguel e
dona Perfecta, así como ós seus
achegados.
3º) Invitar
as honras fúnebres que se realizarán no seu recordo o próximo luns, día 27 ás
18:00 horas, na igrexa parroquial do Carmen, as compañeiras e compañeiros de
Corporación, funcionarios e demais traballadores do Concello, e veciños en
xeral.
Finalizada
a lectura desta moción a cargo do primeiro tenente de alcalde, D. Alberto
Currás Piñeiro, solicítaselles ós asistentes que garden un minuto de silencio
en recordo da compañeira falecida, concluíndo o acto con un cálido e prolongado
aplauso.
E,
non sendo outro o obxecto, a Presidencia dá por rematada a sesión, ás 13:50
horas do día fixado no encabezamento, de todo o que, como secretario, DOU FE.
O ALCALDE O SECRETARIO