ACTA 07/2002
ACTA DE SESIÓN ORDINARIA
DO PLENO DO CONCELLO REALIZADO O DÍA 6 DE XUÑO DE DE 2002
ORDE DO DÍA:
1.- APROBACIÓN, SE PROCEDE,
DAS ACTAS ANTERIORES.
2.- DAR CONTA DAS
RESOLUCIÓNS DA ALCALDÍA.
3. RATIFICACIÓN, SE PROCEDE, S/ RESOLUCIÓN DE
VACANTE E TRÁMITES SOLICITUDE CREDENCIAL DA NOVA
CONCELLEIRA.
4.- APROBACIÓN, SE PROCEDE,
S/ NOMEAMENTO
REPRESENTANTE MUNICIPAL NA ASEMBLEA XERAL DE
CAIXANOVA.
5.- APROBACIÓN, SE
PROCEDE, S/ NOMEAMENTO
REPRESENTANTE MUNICIPAL NO CONSELLO DE
ADMINISTRACIÓN DA AUTORIDADE
PORTUARIA DE VIGO.
6.- RATIFICACIÓN, SE PROCEDE, S/ PROPOSTA DO CONSELLO
ECONÓMICA E SOCIAL DO MORRAZO.
7.- MOCIÓN DE EG-OV S/ CONTROL SANITARIO DAS PRAIAS DE
MOAÑA.
8.- MOCIÓN DO PSG-PSOE, S/ SOTERRADO DAS LIÑAS DE ALTA
E MEDIA TENSIÓN.
9.- MOCIÓN DO BNG, S/ ORDENACIÓN DE USOS DA COSTA.
10.-ROGOS E PREGUNTAS.
CONCELLEIROS:
D. Javier Abal Juncal
D. José Manuel
Cordeiro Portela
D. Alberto Currás
Piñeiro
Dª María C.
Costas Gayo.
D. José González
González.
Dª. Carmen Sotelo
Pena
Dª. Carmen
Entenza Domínguez.
D. José Luis
Leite Fraga.
D. Julio Martínez
Rodríguez
D.
Xosé Manuel Millán Otero.
D.
Rosendo Moreira Piñeiro.
D. Serxio
Regueira Gómez.
Dª Isabel Lorenzo
Martínez.
D. José
E. Santos Leites.
Secretario . D.
Felipe Fermoso Valdés
Na
casa do concello de Moaña, o 6 de xuño de 2002, reúnense os devanditos señores
baixa a presidencia do Sr. alcalde, D. Javier Barreiro Tenorio, asistidos por
min, o secretario, coa finalidade de realizar o Pleno ordinario da Corporación,
anunciado para o día de hoxe ás 20:00 horas, en primeira convocatoria.
A Presidencia declara aberta a
sesión ás 20:00 horas.
INCIDENCIAS:
Queda xustificada a ausencia a este
acto do concelleiro Sr. Martínez Couso, así como a autorización da Presidencia
para abandonar o acto os señores Leite Fraga e Martínez Rodríguez, os cales se
ausentan ás 22:05 horas, unha vez votado o punto oito da orde do día.
1.- APROBACIÓN, SE PROCEDE, DAS ACTAS
ANTERIORES
- Acta 4/2002, unanimidade, unha vez
tomada en conta a observación feita polo Sr. Santos Leites, quen se abstivo no
punto nove “Aprobación Corrección Erros nas Normas Subsidiarias”, polo que non
se logou a unanimidade con que consta.
- Acta 5/2002, manifestan os grupos da oposición que non é certo canto
se recolle na acta, no referente á moción do Partido Popular, punto dous da
orde do día “Moción do PP vía Alta Capacidade do Morrazo”. Non se chegou a ler
a moción e polo tanto tampouco o seu debate e votación.
O secretario manifesta que a Presidencia a leu, non houbo debate e si
votación, a pesar do ambiente enxordecedor reinante.
Como o grupo da oposición non se atopa
conforme sobre as aclaración feitas e o resultado de votación, a Presidencia
somete a votación o dito borrador, obtense o seguinte resultado:
Votos a favor: Oito (Sres. Barreiro Tenorio, Currás Piñeiro, Cordeiro
Portela, Abal Juncal, Costas Gayo, González González, Sotelo Pena e Entenza
Domínguez do PP), sete en contra (Sres. Millón Otero, Moreira Piñeiro, Lorenzo
Martínez e Regueira Gómez do BNG; Sres. Leite Fraga e Martínez Rodríguez do
PSOE e Sr Santos Leites de EdeG-OV) apróbase o borrador do acta número 5/2002.
- 6/2002.- Unanimidade.
2.-
DAR CONTA DAS RESOLUCIÓNS DA ALCALDÍA
O Sr. Santos Leites e Millán Otero pregúntanlle ó alcalde sobre a orixe
e consecuencias da resolución do 3 de xuño de 2002, que afecta ás retribucións
dos cabos da Policía Local. Contestalles o alcalde que se debe a un error
técnico dos servicios de Intervención e que se salva con esta resolución.
Solicítase o informe do secretario do Concello, quen despois de dar unha
información somera do expediente que orixina o establecemento das retribucións
do persoal da Policía Local, ratifica que, tratándose dun error técnico como se
amosa na notificación enviada á Intervención municipal, o método para salvalo é
a resolución da Alcaldía, non procede a intervención do pleno. En canto á
proposta que aparece na Comisión Informativa sobre o traspaso de cantidades que
figuran no complemento de destino ó complemento específico, non é viable,
trataríase unicamente de salvar unha ilegalidade solapada a través doutro. Polo
tanto é firme o acordo do 13 de maio de 1999 notificado á Intervención
municipal o 19 do dito mes.
3.
RATIFICACIÓN, SE PROCEDE,
S/ RESOLUCIÓN DE
VACANTE E
TRÁMITES DE SOLICITUDE DA CREDENCIAL DE NOVA
CONCELLEIRA
O Sr. alcalde
dálle conta á Corporación da resolución dictada o 30 de maio de 2002 que di:
“ASUNTO:
SOLICITUDE DE NOMEAMENTO Á XUNTA ELECTORAL CENTRAL DA NOVA CONCELLEIRA NA
CORPORACIÓN DE MOAÑA
Producida a vacante de concelleira no
grupo popular deste Concello por falecemento da súa titular, Dª. MARÍA MARTÍN
ALONSO, procede cubrir a súa vacante, articulando os mecanismos establecidos no
art. 182 da lei 5/85, do 19 de xuño, e as súas posteriores modificacións.
Na súa virtude, DISPOÑO:
1.- Declarar a
vacante sinalada.
2.- Darlle conta
da presente resolución ó Pleno da corporación para a súa ratificación.
3.- Continuar os
trámites establecidos, remitíndolle a certificación do acordo á Xunta Electoral
Central (Palacio de Congresos de Deputados) para que designe e remita a
credencial do nomeamento da nova concelleira.
4.-
Unha vez en posesión da credencial que acredite o novo nomeamento, déaselle
posesión a este na seguinte sesión plenaria que se realice.”
A Corporación, en votación ordinaria e
por unanimidade dos asistentes, acorda:
1.-
Ratificar nos seus propios termos a resolución na forma en que se atopa
epigrafada.
2.-
Remitirlle a certificación do presente acorda á Xunta Electoral Central,
Palacio de Congresos de Deputados, para os efectos sinalados na dita
resolución.
4.- APROBACIÓN, SE PROCEDE,
S/ NOMEAMENTO
REPRESENTANTE MUNICIPAL NA ASEMBLEA XERAL DE
CAIXANOVA.
O Alcalde informa a Corporación do
requirimento efectuado por Caixanova ó Concello da data 27 de maio de 2002 para
que a Corporación Local designe representante municipal na Asemblea Xeral de
Caixanova; o dito representante deberá reunir as condicións esixidas no Decreto
180/2002, da Xunta de Galicia.
Manifesta o alcalde a súa intención de autopropoñerse para o dito cargo.
INTERVENCIÓNS:
O Sr. Martínez Rodríguez ten dúbidas
sobre o nomeamento deste representante, pois puidese incorrer en
incompatibilidade. Informa o secretario de que existe esta vacante, posto que
cesa o mesmo, unha vez, cesado no cargo que ocupaba na Corporación; en canto á
incompatibilidade de cargos que puidese afectarlle ó alcalde, esta non existe,
o alcalde é membro electo da Corporación, non designado.
VOTACIÓN
E ACORDO:
A Corporación, en votación ordinaria e
con oito votos a favor (Srs. Barreiro Tenorio, Currás Piñeiro, Cordeiro
Portela, Abal Juncal, Costas Gayo, González González, Sotelo Pena e Entrenza
Domínguez do PP) e sete abstencións (Srs. Millán Otero, Moreira Piñeiro,
Lorenzo Martínez e Reguera Gómez do BNG; Srs. Leite Fraga e Martínez Rodríguez
do PSOE; e Sr. Santos Leites de EdeG-OV), acordan nomear representante municipal na Asemblea Xeral Caixanova a D.
Javier Barreiro Tenorio, alcalde-presidente do Concello.
5.- APROBACIÓN, SE
PROCEDE, S/ NOMEAMENTO
REPRESENTANTE MUNICIPAL NO CONSELLO DE
ADMINISTRACIÓN DA AUTORIDADE PORTUARIA DE VIGO.
De igual forma o alcalde informa a
Corporación do requirimento enviado polo presidente de Portos de Galicia da
data 28 de maio de 2002, no que insta o Concello para o nomeamento de
representante municipal no Consello da Autoridade Portuaria de Vigo e da súa
ría.
O alcalde proponlle á Corporación que o
dito representante sexa o concelleiro D. José Manuel Cordeiro Portela.
INTERVENCIÓNS:
O Sr. Santos Leites manifesta que non
ten coñecemento dos traballos e obrigas que debe asumir o noso representante,
votará en contra.
O Sr. Leite Fraga absterase por razóns
análogas.
O alcalde aclara que como di o cargo de
representante naquel organismo, este tratará de defender os intereses de Moaña,
aínda que recoñece que os asuntos que se tratan na súa maioría afecta
exclusivamente a Vigo.
VOTACIÓN E
ACORDO:
A Corporación, en votación ordinaria e con oito votos a favor
(Sres. Barreiro Tenorio, Currás Piñeiro, Cordeiro Portela, Abal Juncal, Costas
Gayo, González González, Sotelo Pena e Entenza Domínguez do PP), un en contra
(Sr. Santos Leite de EdeG-OV) e seis abstencións (Sres. Millán Otero, Moreira
Piñeiro, Lorenzo Martínez e Regueira Gómez do BNG; Sres. Leite Fraga e Martínez
Rodríguez do PSOE) acorda nomear representante municipal ante a Autoridade
Portuaria de Vigo e da súa ría ó concelleiro D. José Manuel Cordeiro Portela.
6.- RATIFICACIÓN, SE PROCEDE, S/ PROPOSTA DO
CONSELLO
ECONÓMICA E SOCIAL DO MORRAZO.
Informa
o alcalde sobre o asunto que é de sobra coñecida polos membros da Corporación
Local, a máis abundamento, posúen a acta da reunión realizada polo dito órgano
consultivo. O alcalde solicita que o Pleno a ratifique, se isto procedese.
O
texto literal da acta di como segue:
“ACTA DA REUNIÓN
DO CONSELLO ECONÓMICO E SOCIAL DA MANCOMUNIDADE DE CONCELLOS DO MORRAZO
(PONTEVEDRA)
No salón de
actos da Casa da Cultura de Quintela-Moaña, ás 18,00 horas 30 minutos do día 3
de xuño de 2002, reúnense baixo a presidencia
de D. Javier Barreiro Tenorio,
presidente da Mancomunidade de concellos do Morrazo, o CONSELLO ECONÓMICO E SOCIAL, coa existencia dos seguintes membros,
asistidos do secretario da
mancomunidade, D. Felipe Fermoso Valdés.
¡Error! Marcador
no definido.Sres./as asistentes
VOCAIS:
* D. José Enrique Sotelo Villar (P.P) alcalde de Cangas.
* D. Tomás Barreiro Sotelo (P.P.) alcalde de Bueu.
* D. Luis Boullosa Nores (P.P.) Cangas.
* D. Juan Chillón Iglesias (BNG) Cangas.
* Dª Encarna Santos Paredes (PSOE) Cangas.
* D. Aureliano Dávila Juncal P.P.) Bueu.
* D. José Novas Piñeiro (BNG) Bueu.
* D. José Millán Otero (BNG) Moaña.
* D. Julio Martínez Rodríguez (PSOE) Moaña.
* D. Euloxio Santos Leites (os verdes) Moaña.
* D. Julio Peláez Riera
(en representación da Consellería
X.I.R.L).
* D. Camilo Vilas Pastoriza (Asociación ACICA).
* D. Juan Vilar Pazó (Asociación Mariñeiros).
* D. José García Pastoriza (Asociación Armadores Bueu).
* D. Manuel Rúa del Río (Confraría Pescadores S. Martín)
Moaña.
* Dª Alicia Rodríguez Díz.
(Pta. Mariscadoras a pé da Ría). Moaña.
* D. Eugenio González Fernández (UGT).
Aberto o acto,
a Presidencia exponlle ós asistentes que por razóns da información publicada en
distintos medios que afectan tanto a flota pesqueira española e con maior
incidencia a de Galicia, é o momento de tomar acordo entre todos unha vez
analizada a situación.
O Sr. Millán
Otero- concelleiro do BNG de Moaña- interrompe á Presidencia para manifestar
que non é a forma de realizar esta convocatoria. Contesta o Sr. presidente que
tratándose dunha reunión extraordinaria e urxente non existe outra
posibilidade.
Polo exposto
polo interveniente, o presidente solicita a declaración de urxencia que é
aceptada pola totalidade dos asistentes, exceptuando a abstención do Sr. Millán
Otero. Por canto ó “quórum” esixido para a realización desta reunión, o
secretario informa de que é suficiente, pois asiste máis da maioría absoluta do
número legal de membros que compoñen o CES.
Seguidamente a
Presidencia le a súa proposta que, textualmente, di:
PROPOSTA DA
PRESIDENCIA Ó CONSELLO ECONÓMICO E SOCIAL DA MANCOMUNIDADE DO MORRAZO.
Ante a reforma
pesqueira propiciada polo comisario europeo de Pesca, Sr. Fischler, de
desmantelamento da flota pesqueira española e por extensión da flota pesqueira
galega, onde se prevé no período 2003-2006 unha reducción en 700 barcos da
flota galega e a destrucción de cerca de 3.000 postos de traballo, a
Presidencia do Consello Económico e Social da Mancomunidade de Concellos do
Morrazo, a este órgano consultivo,
PROPÓN:
PRIMEIRO.- Rexeitar a proposta presentada na U.E. sobre Reforma da
Política Pesqueira Común, que en síntese pretende reducir o número de barcos de
pesca, coa seguinte diminución no número de postos de traballo.
SEGUNDO.- Rexeitar, así mesmo, o desmantelamento de parte da
flota pesqueira galega de altura, pois esta flota xa fixo a súa
reestructuración no momento de entrada do Tratado de Adhesión no ano 1986.
TERCEIRO.- Apoiar activamente as accións que leven a cabo, tanto o
Goberno español como o galego, con base en impedir os nefastos efectos da
reforma prevista.
CUARTO.- Apoiar a petición de presencia dos concellos na mesa de
traballo que formen Xunta, armadores e sindicatos por este motivo.
QUINTO.- Facer chegar este acordo a todas as institucións
públicas que dalgún xeito teñan incidencia na política pesqueira: Goberno
español, Xunta de Galicia, Comunidade Económica Europea”.
Intervencións.-
O Sr. Millán
Iglesias do BNG do Morrazo manifesta que despois de 18 meses desde a
constitución do CES, non se coñece actividade ningunha, pregunta que para qué
se creou, contéstalle o presidente que el ven actuando como tal durante cinco
meses, polo tanto deberá pedirlles explicacións ós anteriores.
Solicita que
se lea a Moción de urxencia subscrita polo seu grupo, a Presidencia autoriza a
dita petición. A moción di textualmente como segue:
“MOCIÓN DE URXENCIA
¡Error! Marcador no
definido.CONTRA A POLÍTICA COMÚN PESQUEIRA
EXPOSICIÓN DE MOTIVOS:
A integración
do Estado español na Unión Europea –no ano 1986- incluíu de cheo ao sector
pesqueiro galego no conxunto de medidas, criterios e representacións que
conforman a denominada “Política Común de Pesca”. Desde aquel momento
caracterizou o modelo de inserción de Galicia na Europa Comunitaria en materia
de pesca do seguinte xeito:
. De partida,
un deseño estructural marxinador para Galicia e o sector pesqueiro,
consecuencia das condicións de ingreso do Estado español na UE.
. Inexistencia
de canles institucionais directas nos que vehiculizar e defender as nosas
propostas. Xa que logo, ausencia de Galicia no proceso de toma de decisión
política. Así, a primeira potencia pesqueira da UE non conta con voz nin voto
nos foros en que realmente se toman as decisións.
. Contexto
xeral nos planos político, económico e comercial, de reestructuración e
redimensionamento do sector pesqueiro no marco da UE, en beneficio das flotas
pertencentes nos estados hexemónicos e en prexuízo, singularmente, da flota
galega.
Dezaseis anos
de experiencia son suficientes para avaliar o impacto de aplicación da Política
Común de Pesca sobre o sector pesqueiro galego. Abonda dicir que neste período
non existe en toda a UE un caso de reducción de flota e de emprego na pesca
como o que ten padecido Galicia.
Neste momento
a Comisión Europea, a través do comisario Sr. Fischeler ven de padecer pública
a súa intención de desmantelar boa parte da flota pesqueira galega, a
efectivizar a partir do 1 de xaneiro de 2003.
Galicia é o
primeiro país pesqueiro de Europa, e a zona máis dependente da pesca en termos
económicos, sociais e de emprego. Neste contexto, é fundamental que o conxunto
da sociedade galega reaccione en defensa dunha actividade que, como a pesca, é
motor da súa economía.
ACORDOS:
1.- Manifestar o rexeitamento do Consello Económico
Social da Comarcal á Reforma da Política Común Pesqueira formulada pola
Comisión Europea.
2.- Demandar a presencia de Galicia nos órganos europeos
de decisión en materia de política pesqueira.
3.- Reivindicar unha nova Política de Pesca baseada nas
seguintes liñas:
- Igualdade de
acceso ós caladoiros, sen discriminación para a flota galega.
- Derrogación
do Principio de estabilidade relativa.
- Defensa dos
acordos pesqueiros con terceiros estados e organizacións rexionais de pesca.
- Mantemento
das axudas estructurais para a renovación da flota, equipamentos portuarios,
instalacións pesqueiras, etc.
- Declarar oficialmente a Galicia como zona
altamente dependente da pesca.
- Introducir
unha directriz social para humanizar e dignificar as condicións de traballo e
seguranza no mar.
4.- Apoio activo ás medidas ou accións sociais que se
articulen en defensa do sector pesqueiro galego.
5.- Dirixir este acordo á Comisión Europea, Congreso dos
Deputados e Parlamento de Galicia”.
O Sr. Martínez Rodríguez do PSdG-PSOE quéixase da
tardanza na convocatoria do CES, pois déronse con anterioridade feitos moi
importantes non tratados. Parécelle ben a proposta de acordos lidos, lamentando
a falta de acordo con Marrocos. Comparte e apoia as ditas propostas; á vez fai
a súa propia que a Presidencia teralla en conta no seu momento.
A Presidencia pregúntase como non se reuniu
anteriormente o CES e contesta que o artigo 8 dos estatutos establece a fórmula
para a súa convocatoria, entre outros, por pedimento dun tercio dos seus
membros.
O Sr. Santos Leites reitera non é forma de convocar esta
reunión, lamenta a falta de acordo coa Comisión de Pesca e propón que se
refundan as partes dispositivas das propostas presentadas.
O Sr. Vilas Pastoriza, da Asociación de Empresarios,
manifesta que sendo alarmantes as noticias recibidas, deben reunirse todos os
sectores, chámense Xunta ou Concellos, para que aproben as propostas.
O Sr. Sotelo Villar solicita do BNG que lea a parte
dispositiva da súa proposta e informado dela, dille que non se pode declarar a
Galicia dependente e exclusiva da Pesca, existen outros sectores económicos á
vez que pon en dúbida a capacidade de integración.
O BNG admite que se refunda a parte dispositiva do
acordo que se quere adoptar que será común a ambas as propostas, sempre que
conste o punto que diga “ Solicitar que se declare oficialmente a Galicia dependente
da Pesca” o que é aceptado polos reunidos.
Debatidas as propostas presentadas e admitido polos
reunidos a parte dispositiva do acordo que se quere adoptar que sexa refundida,
a Presidencia somete a votación as propostas e por unanimidade dos asistentes
acorda:
PRIMEIRO.- Manifestar o rexeitamento do CES á proposta presentada
sobre reforma política pesqueira común, que pretende reducir o número de barcos
de pesca coa conseguinte diminución de postos de traballo.
SEGUNDO.- Rexeitar o desmantelamento de parte da flota pesqueira
galega de altura, demandando a presencia de Galicia nos órganos europeos de
decisión en materia de política pesqueira.
TERCEIRO.- Apoiar as accións que se leven a cabo tanto de Goberno
español como do galego, así como as medidas ou accións sociais que se articulen
en defensa do sector pesqueiro galego.
CUARTO.- Reivindicar unha nova política de pesca baseada en:
- Igualdade de
acceso ós caladoiros.
- Mantemento de
axudas estructurais para a renovación da flota, equipamentos portuarios, etc.
- Designación,
principio de estabilidade relativa.
- Defensa de
acordos pesqueiros con terceiros estados.
QUINTO.- Solicitar que se declare oficialmente a Galicia
dependente da Pesca.
SEXTO.- Facerlles chegar este acordo á Comisión Europea,
Parlamento de Galicia, Goberno español e Congreso dos Deputados.”
INTERVENCIÓNS:
O Sr. Martínez Rodríguez resalta o
compadreo existente entre o PP e BNG e fai referencia á proposta por é
formulada na reunión do CES e termina dicindo que o seu partido adoita ser
práctico nestes asuntos.
O Sr. Millán Otero expón que para o BNG
non existe ningún compadreo e parece máis ben que o PSOE ten a necesidade de
marcar o seu territorio ó partido, non importándolle ser compañeiro de viaxe co
PP con certos límites. A proposta do PSOE pásase no tempo, polo tanto non ten
futuro. Di que hai que negociar aínda que o PSOE adoita facelo a cambio dun
prato de lentellas e asegúralle que espera ser compañeiro de viaxe do PP sempre
que sexa para bos fins, non compañeiros de PP-PSOE no acordo dos mariñeiros.
Replica o Sr. Martínez Rodríguez que a
súa proposta era a que había de tratarse no CES.
O Sr. Leite Fraga alegrase da amizade
existente entre o PP e BNG, rexeitando o trapicheo do que se lle acusa ó PSOE.
O Sr. Santos Leites recoñece que non
existe unión de forzas en todas as actuacións, recoñecendo que Julio parte de
error.
O Alcalde informa de que se sinte
seriamente preocupado polo problema planteado, da súa viaxe a Madrid no día de
onte deduce perspectivas pouco boas, non obstante, o Sr. ministro, Sr. Cañete,
defenderá as nosas intencións ata o final.
O Sr. Millán Otero, despois do tratado
no CES e oído neste acto o manifestado polo Alcalde, asegura que a última
decisión compételle exclusivamente ó Goberno español.
VOTACIÓN
E ACORDO:
A Corporación, en votación ordinaria e
por unanimidade, acordan ratificar a proposta do Consello Económico Social do
Morrazo.
7.- MOCIÓN DE EG-OV S/ CONTROL SANITARIO DAS
PRAIAS DE
MOAÑA
O Sr. Santos Leite fai unha análise previa dos problemas que se
derivan polo abandono das nosas praias, le a continuación a moción que,
literalmente, di como segue:
“CONTROL SANITARIO DAS PRAIAS DE
MOAÑA.- Nun concello costeiro, con abundantes praias e areais no seu territorio
como é o caso de Moaña, parece de sentido común que o control exhaustivo da
calidade destas e das condicións sanitarias e de salubridade das súas augas
sexa unha preocupación esencial, e máis en temporada de verán. Varias son as
causas que aconsellan este control, dende a máis importante para calquera
Admón. Públicas como é garantir que os usuarios/as delas poidan aproveitar as
praias con plenas garantías para a súa saúde, como o reclamo e atractivo que
unhas boas condicións das augas supón para o turismo, o cal ten unha clara
repercusión económica.
Para realizar este control, en Moaña e
noutros concellos de Galicia ata o ano pasado enviábaselles unha relación de
zonas de baño á Consellería de Sanidade, que no noso caso correspondían coas
praias da Xunqueira, O Con, e a Videira en Tirán, e a continuación a
consellería efectuaba durante a época de baño diversas mostraxes (ata 9
controis) e elevaba os informes para que os concellos tomaran as medidas
pertinentes. En Moaña, viñeron facéndose estes controis habitualmente, e así
por exemplo púxose de manifesto que do ano 1999 ó ano 2000 houbo un deterioro
moi grande das condicións sanitarias no caso das praias de Tirán e a Xunqueira,
que pasaron de 71 puntos (sobre 100) a 57 e 56 respectivamente, e así foi como
o ano pasado aparecemos desgraciadamente na prensa nacional coa desgraciada
publicidade de ter unha das praias mais insalubres do estado. Ante isto, en
lugar de adoptar as medidas correctoras adecuadas, o grupo de goberno do
Partido Popular adopta unha “sabia “ decisión: no ano 2001 non remitirlle á
Consellería de Sanidade ningunha relación de praias, co cal oficialmente,
Moaña non ten zonas para o baño, e polo
tanto non se realizan ningún tipo de controis sanitarios dende o ano pasado, é
dicir, nunha clara irresponsabilidade, optan pola política de “matar o
mensaxeiro” incorrendo nunha grave irresponsabilidade diante dos veciños e dos
usuarios das praias, que descoñecen o estado real destas.
Por estas razóns é polo que
propoñemoslle ó Pleno da Corporación a adopción dos seguintes
A C O R D O S
1.-
Realizar inmediatamente controis sobre as condicións de salubridade das praias
do Concello de Moaña.
2.-
Dirixirse urxentemente á Consellería de Sanidade para que inclúa as praias de
Moaña nesas zonas de baño oficiais para que proceda o seu control regular. “
O alcalde di que a oposición, como
noutros asuntos, coa moción lida trata de crear alarmismo infundado entre a
poboación e os visitantes a Moaña, prexudicando seriamente ó noso comercio e
industria hostaleira. As praias, moi a pesar das notas de prensa, estiveron e
estarán controladas respecto ó estado das augas, posto que o Concello encargou
e continuará encargando á farmacéutica titular as análises oportunas. En
consecuencia, o que preocupa a este alcalde é o alarmismo que se pretende crear
con esta moción e outras manifestacións feitas fóra de ton.
O Sr. Millán Otero intervén por
alusión, comparte co alcalde certas cousas, cre que a Consellería de Sanidade
non actúa en condicións; pero o que xa non comparte é que non se solicite
subvención ou axuda para o acondicionamento das nosas praias. Nega que se
fixesen análises nas praias e que recoñeza dunha vez por todas que o PP non
controla a situación e pode pasar algo grave.
Replícalle o Sr. Santos Leites ó
alcalde para dicirlle que o argumento “non pasou nin pasará nada grave” non lle
vale e acúsao de ocultación de información .
Finaliza o alcalde insistindo en que o
dito pola oposición, nada de nada; a situación está controlada e as análises
seguiranse facendo por conta do Concello, a través da súa farmacéutica titular.
VOTACIÓN
E ACORDO:
A Corporación, en votación ordinaria e
con sete votos a favor (Srs. Millán Otero, Moreira Piñeiro, Lorenzo Martínez,
Regueira Gómez do BNG; Srs. Leite Fraga e Martínez Rodríguez do PSOE; e Sr.
Santos Leites de EdeG-OV) e oito en contra (Srs. Barreiro Tenorio, Currás
Piñeiro, Cordeiro Portela, Abal Juncal, Costas Gayo, González González, Sotelo
Pena e Entenza Domínguez do PP) acordan
rexeitar a moción presentada.
8.- MOCIÓN DO PSG-PSOE, S/ SOTERRADO DAS LIÑAS
DE ALTA
E MEDIA TENSIÓN.
O Sr. Martínez Rodríguez, antes de ler
a súa moción, fai unha curta introducción a esta, que di como segue:
“La empresa subministradora de enerxía
eléctrica UNIÓN FENOSA tiene instaladas en la actualidad varios tendidos
aéreos de lineas de media y alta
tensión que atraviesan barrios densamente poblados de nuestro municipio como en
zonas de Domaio, Meira, O Redondo, Quintela, Tirán, etc. Muchos de estos
tendidos fueron instalados hace más de 30 años, con permisos antiguos, los
cuales eran concedidos por parte de la Autoridad gubernativa en unas
condiciones muy favorables para la empresa y algunos ni siquiera eran remitidos
al Ayuntamiento. Los socialistas entendemos que actualmente esos tendidos
aéreos de UNIÓN FENOSA que discurren por zonas urbanas y habitadas, no se
adaptan a las normativas vigentes en cuanto a condiciones de seguridad, en
cuanto a las franjas de terrenos que
necesariamente deberían ser expropiados para pasar el tendido e incluso en
cuanto a la proximidad con que las
lineas pasan de las viviendas produciendo situaciones de auténtico peligro, lo
cual puede ser motivo de accidentes mortales como desgraciadamente acontecio
hace algunos años en Quintela.
Es por estos motivos que propongo al Pleno
de la Corporación, la adopción del suguiente
A C
U E R D O
Que
el Concello de Moaña inste a la Consellería de Industria de la Xunta de Galicia
a negociar con UNIÓN FENOSA el cambio de tendidos subterráneos de las actuales
lineas aéreas de alta y media tensión que discurran por zonas habitadas de
nuestro municipio. “
INTERVENCIÓNS:
O Sr. Millán Otero resalta que durante algún tempo coincide en
temas fundamentais. Véxase a moción que presenta o PSOE, en español, adianta
que votará a favor dela, porque no seu fondo está de acordo.
O Sr. Santos Leites aclara que o
contido da presente moción é análoga á por el presentada fai un par de anos e
que foi rexeitada.
O Sr. Alcalde non ten máis remedio que
felicitar ó autor da moción, este é moi aplicado e vai aprendendo moito nas
súas obrigas, lémbralle que os permisos e forma de concesión de liñas datan de
máis de trinta anos. Por canto ó idioma utilizado na moción, fai constar a
alcalde o disposto no ROM onde os debates, asuntos e outros están autorizados
utilizando o bilingüismo.
VOTACIÓN
E ACORDO:
A Corporación, en votación ordinaria e
por unanimidade dos asistentes, acordan aprobar a moción presentada.
9.- MOCIÓN DO BNG, S/ ORDENACIÓN DE USOS DA
COSTA.
Le a moción o Sr. Regueira Gómez para
dicir :
“ MOCIÓN DO BNG SOBRE SOLICITUDE DE
REDACCIÓN DOS PLANOS DE USOS E ORDENACIÓN DOS ESPACIOS PORTUARIOS E DA COSTA.-
O Plan xeral de ordenación municipal é un documento básico e de suma
transcendencia para un desenvolvemento adecuado do termo municipal. A
cualificación das distintas áreas e especificacións de edificación e usos han
ser coherentes e compatibles, partindo dunha visión de futuro para o conxunto e
impedindo actuacións que poidan distorsionar a ordenación harmónica de todo o
territorio.
A parte máis importante do territorio
de Moaña desde o punto de vista da poboación, económico e ambiental é a franxa
costeira. Sobre ela distribúense e sobrepóñense competencias de ata catro
administracións, ademais do propio
Concello: a Consellería de Medioambiente, o ente público Portos de Galicia, a
Autoridade Portuaria de Vigo e a Dirección General de Costas del Estado sen que
ata o momento existan documentos
axeitados que permitan a necesaria coordenación. Esta situación ten permitido
actuacións desordenadas e incluso ocasiona a miúdo discrepancias entre as
distintas administracións, con repercusións negativas para o conxunto do
territorio e da poboación.
De cara a que o PXOM cumpra a súa
función, o BNG considera ineludible que as administracións con competencias
sobre a franxa litoral formulen os documentos oportunos, en forma de planos
especiais ou planos de usos, de maneira que poidan ser incorporados ás
previsións urbanísticas do Concello. Polo tanto, propoñemoslle ó Pleno da
Corporación a adopción dos seguintes
A C O R D O S:
1.-
Instar ó goberno municipal para que realice xestións diante da Autoridade
Portuaria de Vigo para que redacte o Plano especial da franxa costeira baixo as
súas competencias, definindo usos, tipos de industrias, condicións de
edificabilidade e delimitación sobre a lámina de auga, etc.
2.-
Solicitar de Portos de Galicia a formulación dun plano de usos das zonas
portuarias baixo as competencias, ordenando as actividades, edificacións
necesidades viarias e dotacionais, espacios libres públicos, etc.
3.-
Instar ao goberno municipal para que realice as xestións oportunas diante da
Dirección General de Costas (Ministerio de Medio Ambiente) para que proceda a
corrixir posibles erros na delimitación da zona de dominio público
marítimo-terrestre, así como as zonas de protección ou afección”.
O acalde manifesta que o punto tres da
parte dispositiva se solucionará co deslinde solicitado a Costas.
En canto ó punto dous di que se pode
aceptar, o ten regulado a Xunta.
Por último, no punto un que pide
aprobar; ó autor da moción debo dicirlle que non se atopa acertado, hai que
matizar moito os puntos cos perfís do que se pretende.
Sr. Regueira Gómez insiste na súa
petición e pide á Corporación debe planificar definíndose sobre o plan de usos.
Replica o alcalde que a exposición que
enfoca o Sr. Regueira Gómez é precisamente ó revés do que debe utilizarse;
solicita que a moción pase pola Comisión Informativa para tratala novamente.
O Sr. Santos Leites cre que o asunto
debe de aclararse urxentemente, aproveitando a redación do Plan xeral de
ordenación municipal e incorporando a documentación precisa.
O Sr. Abal Juncal manifesta que se
falou moito deste tema e espera que a Autoridade Portuaria redacte o oportuno
plan.
Por último, o Sr. alcalde insiste en
que esta moción pase previamente pola Comisión Informativa e que se inclúa, se
se aproba, ó plan xeral.
VOTACIÓN
E ACORDO:
A Corporación, en votación ordinaria e
con cinco votos a favor (Srs. Millán Otero, Moreira Piñeiro, Lorenzo Martínez e
Regueira Gómez doBNG; e Sr. Santos Leites de EdeG-OV) e oito en contra (Srs.
Barreiro Tenorio, Currás Piñeiro, Cordeiro Portela, Abal Juncal, Costas Gayo,
González González, Sotelo Pena e Entenza Domínguez do PP) rexeita a moción
presentada.
10.-ROGOS E PREGUNTAS.
Sr.
Santos Leites se interesa pola sentencia que se refire ó deslinde do Camiño
Amieiro-Meira, que se pensa facer. Deuse licencia de construcción de edificios
e, sen embargo, os seus propietarios vense privados de todo.
Contéstalle Javier Abal que a través de
convenio ou outro compromiso haberá que buscar mellor solución posible para os
veciños.