Norma urbanística do 96

2.1. NORMAS XERAIS.

2.1.1. Ámbito de aplicación.

2.1.2. Vixencia.

2.1.3. Revisión.

2.1.4. Relacións coas Normas subsidiarias provinciais.

2.1.5. Natureza e obrigatoriedade.

2.1.6. Desenvolvemento das Normas subsidiarias do planeamento.

2.1.7. Clasificación do solo.

2.1. NORMAS XERAIS.

2.1.1. Ámbito de aplicación.

As presentes normas serán de aplicación obrigatoria no territorio do Concello de Moaña da provincia de Pontevedra. 2.1.2. Vixencia. Estas normas entrarán en vigor a partir da publicación no Boletín Oficial da Provincia dos textos íntegros do acordo de aprobación definitiva e da presente Normativa urbanística e unha vez que teña transcorrido o prazo previsto no art1 65.2 da la Lei 7/85 de 2 de abril das Cortes Xerais e demais disposicións de aplicación.

A súa vixencia será indefinida, en tanto non se produza a aprobación dun Plan xeral de ordenación.

2.1.3. Revisión. A revisión das normas poderá producirse cando: a) Disposicións xerais de rango superior, ou as determinacións dun Plan director territorial alteren os criterios, obxectivos e solucións que fundamentan a ordenación adoptada ou presenten unha maior esixencia de espacios públicos.

b) Se produzan circunstancias imprevisibles no momento de redacción destas normas, que presenten alteracións do modelo territorial.

c) Se teña esgotado a capacidade das normas. d) Se dean os supostos do parágrafo 3 do art1 160 do Regulamento de planeamento. 2.1.4. Relacións coas Normas subsidiarias provinciais. Nos aspectos non desenvolvidos nas presentes normas rexerá o disposto nas Normas complementarias e subsidiarias de planeamento das provincias da Coruña, Lugo, Ourense e Pontevedra, aprobadas por resolución da COTOP de data 14 de maio de 1991 (DOG de 19 de xuño de 1991).

2.1.5. Natureza e obrigatoriedade. 1. Este documento redáctase conforme o ordenamento xurídico-urbanístico vixente.

As referencias á Lei do solo (en diante LS) deben entenderse feitas ó Texto Refundido da lei sobre o Réxime de Solo e Ordenación Urbana aprobado por RDL 1/1992 de 26 de Xuño, e ós regulamentos de planeamentos (RP), xestión e disciplina (RD) que a desenvolven nos aspectos fundamentais. As referencias á Lei de adaptación á do solo a Galicia (en diante LSG) deben entenderse feitas á Lei 11/85 de 22 de agosto do Parlamento de Galicia.

2. Os particulares igual que a Administración quedarán obrigados ó cumprimento das disposicións contidas nestas normas, de tal maneira que calquera actuación ou intervención de carácter provisional ou definitivo sobre o territorio municipal ben sexa a iniciativa pública ou privada deberá axustarse a elas.

2.1.6. Desenvolvemento das Normas subsidiarias de planeamento. A) Órganos actuantes.

O desenvolvemento das presentes Normas subsidiarias corresponderá ó concello e demais administracións urbanísticas no ámbito das súas respectivas competencias, sen prexuízo da actuación dos particulares establecida na Lei do solo e nas presentes normas.

Corresponderá ó concello, demais administracións públicas e empresas concesionarias, no ámbito das súas respectivas competencias e/ou de acordo coas súas atribucións, o desenvolvemento das infraestructuras, servicios e equipamentos.

B) Planeamento subordinado. 1. Para o desenvolvemento das Normas subsidiarias formaranse conforme o previsto na lei e nestas normas, plans parciais e especiais e estudios de detalle. 2. Os límites destes desenvolvementos serán os definidos nos Plans de ordenación establecéndose que para a súa delimitación detallada, a súa identificación ou calquera acto de procedemento, se reproducirán en escala adecuada.

3. Cando nas zonas de solo urbano se produzan casos de imprecisión ou a necesidade de lixeiras readaptacións nas propostas de aliñacións e rasantes ou de reordenación de volumes dentro dun cuarteirón ou elemento de morfoloxía urbana, de acordo sempre coas determinacións das Normas subsidiarias, redactaranse e tramitaranse estudios de detalle.

C) Desenvolvemento obrigatorio. 1. Desenvolverase obrigatoriamente mediante plans parciais o solo clasificado de urbanizable que comprende as áreas A-1, A-2, A-3, A-4, A-5, A-6, A-7, A-8, A-9, A-10, A-11.

2. Desenvolveranse obrigatoriamente mediante plans especiais:

PE-1. Plan especial de acondicionamento e protección do tramo de costa en Tirán.

PE-2. Plan especial de ordenación e equipamento da Xunqueira.

PE-3. Plan especial de ordenación e equipamento do recheo de Meira.

PE-4. Plan especial de acondicionamento recreativo do Latón.

PE-5. Plan especial de ordenación da fachada costeira de Domaio.

PE-6. Plan especial de acondicionamento e rehabilitación da illa de S. Bartolomeu.

PERI-1. Plan especial de reforma interior de Quintela.

3. Os sistemas xerais desenvolveranse mediante plans especiais, salvo que se atopen incorporados ó ámbito de plans parciais ou resulten ordenados pormenorizadamente polas normas subsidiarias.

4. Desenvolveranse obrigatoriamente mediante Estudio de detalle o conxunto das unidades de xestión determinadas neste documento.

Así mesmo, para cumpri-lo establecido na Disposición transitoria novena do Regulamento da Lei de costas, será obrigatoria a redacción de estudios de detalle para a sinalización de aliñacións e rasantes, a adaptación ou readaptación das existentes, a ordenación dos volumes e o desenvolvemento da rede viaria, con carácter previo ou simultáneo ó outorgamento de autorización de novos usos e construcción, nos casos en que a liña das edificacións estea a unha distancia inferior a 20 m. Desde o límite interior da ribeira do mar, fóra do tramo de costa comprendido entre o Plan parcial do Con e a desembocadura do río do Faro no agregado Moaña-Meira, a fachada marítima da cal queda urbanisticamente definida con carácter homoxéneo neste documento.

D) Adecuación ás Normas subsidiarias. l 1. Os plans parciais de ordenación e os plans especiais non poderán modifica-las previsións e determinacións das Normas subsidiarias.

2. Os estudios de detalle manterán así mesmo as determinacións das Normas subsidiarias, non podendo introducir, en contra do previsto por elas, alteracións que supoñan maior aproveitamento ou mingua dos espacios públicos.

E) Execución das Normas subsidiarias en solo urbano. 1. A execución das presentes normas realizarase de conformidade co disposto nos art1 140 e s.s. da LS, sendo de aplicación os sistemas de actuación legalmente previstos.

2. Os límites das unidades de execución determinadas nas Normas subsidiarias haberán de establecerse sobre base cartográfica adecuada, sinalando de acordo coa certificación que debe constar no expediente, a identificación dos terreos segundo os catastros oficiais. Neste acto poderán así mesmo readaptarse os límites de superficie en exceso ou en defecto.

3. Coa delimitación da Unidade de execución levarase a cabo a definición do sistema de actuación. O prazo para a urbanización dos terreos e o cumprimento dos deberes de cesión e equidistribución será de dous anos a partir da aprobación da dita delimitación.

2.1.7. Clasificación do solo. As presentes normas clasifican a totalidade do solo do concello segundo as seguintes categorías:

1. Solo urbano.

Ordenanza 1. De edificación agrupada en núcleos rurais tradicionais.

Ordenanza 2. De edificación unifamiliar.

Ordenanza 3. De media intensidade.

Ordenanza 4. De cuarteirón.

Ordenanza 5. Industrial.

Ordenanza 6. De conservación da estructura edificatoria con vinculación á parcela existente.

2. Solo non urbanizable. Ordenanza 7. De solo non urbanizable dos núcleos rurais tradicionais.

Ordenanza 8. De réxime normal do solo non urbanizable.

Ordenanza 9. De protección de zonas forestais, zonas agrestes e áreas predominantes de valor paisaxístico.

Ordenanza 10. De conservación e protección das zonas de cultivo e da paisaxe agrícola. Ordenanza 11. De conservación de canles e ribeiras.

Ordenanza 12. De conservación e protección de costas e praias.

Ordenanza 13. De protección de xacementos arqueolóxicos e castros.

Ordenanza 14. De protección do Espacio Natural do Morrazo.

Ordenanza 15. De solo non urbanizable do campo de golf de Domaio.

3. Solo urbanizable. A-1. A.A.U. O Rosal II.

A-2. A.A.U. A Xunqueira I.

A-3. A.A.U. Abelendo.

A-4. A.A.U. A Xunqueira II.

A-5. A.A.U. Meira.

A-6. A.A.U. Domaio.

A-7. A.A.U. O Latón.

A-8. A.A.U. A Pandiña.

A-9. A.A.U. Quintela.

A-10. A.A.U. Canteira do Latón.

A-11. A.A.U. Paxonas.