2.5.1. Licencias.
2.5.2. Aliñacións
2.5.3. Obras sen licencia.
2.5.4. Obras de urbanización e edificación.
2.5.5. Derrubamentos.
2.5.6. Barreiras de obras.
2.5.7. Edificios en estado ruinoso.
2.5.8. Reparcelación e normalización de terreos.
ACTOS SOMETIDOS A LICENCIA.
Estarán sometidos a licencia municipal previa tódolos actos de edificación.
Estarán suxeitos igualmente a licencia os actos de uso do solo e subsolo, tales como:
- As obras de ampliación de edificios e instalacións de tódalas clases existentes.
- As de modificación ou reforma que afecten á estructura dos edificios e instalacións de tódalas clases existentes.
- As de modificación do aspecto exterior dos edificios e instalacións de tódalas clases existentes.
- As obras que modifiquen a disposición interior dos edificios, calquera que sexa o seu uso.
- As obras de instalación de servicios públicos.
- A primeira utilización ou ocupación dos edificios e instalacións en xeral.
- Os usos de carácter provisional a que se refire o artigo 136 da LS.
- A modificación do uso dos edificios e instalacións en xeral.
- A demolición das construccións, salvo nos casos declarados de ruína inminente.
- As instalacións subterráneas dedicadas a aparcamentos, actividades industriais mercantís ou profesionais, servicios públicos ou calquera outro uso a que se destine o subsolo.
- As cortas de árbores integradas en masa arbórea que estea encravada dentro do ámbito das Normas Subsidiarias.
- A colocación de carteis de propaganda visibles desde a vía pública.
- A colocación de andamios, pontóns e vallas.
As licencias outorgaranse de acordo coas previsións da L.S e os regulamentos que a desenvolvan, a LSG, as presentes normas e demais regulamentación en vigor.
CONCESIÓN DE LICENCIAS.
A concesión de licencia, salvo nos casos previstos na LS, corresponde exclusivamente ó concello.
DENEGACIÓN DE LICENCIAS.
Toda denegación de licencia haberá de ser motivada.
SOLICITUDE DE LICENCIA.
A licencia deberá solicitarse do concello mediante a presentación da correspondente instancia e os requisitos que para cada caso concreto se especifiquen nestas normas.
TIPOS DE LICENCIAS DE OBRA.
En función dos tipos de obra que afectan ó conxunto do edificio (2.3.3.4) ou se son obras novas, distinguense nas presentes normas tres tipos de licencias:
- Licencias de obra nova.
- Licencias de reforma e ampliación.
- Licencias de conservación.
Denomínase obra nova á efectuada para a construcción dun inmoble de nova planta ben sobre terreo edificable libre (no que non existiu ningunha construcción anterior), ben sobre o terreo edificable procedente do derrubamento dun edificio existente, ben como ampliación de edificios existentes, sempre que esta sexa en superficie de planta baixa.
Reforma.
Enténdense por reforma ou ampliación aquelas operacións de construcción encamiñadas a modifica-lo edificio existente ben sexa para destinalo a uso distinto, ben por calquera outra causa.
Distínguense dous subtipos:
. Reformas e ampliacións estructurais.
Denomínanse obras de conservación ás tendentes ó mantemento estético, funcional e constructivo do edificio.
Distínguense dous subtipos:
. Se non afectan a elementos estructurais, de fachada ou de cuberta (sollados, pintura): conservación.
Denomínanse obras de derrubamento ás efectuadas con obxecto de destruír unha obra edificada, ben sexa por encontrarse en estado ruinoso ou por outra razón calquera.
SOLICITUDE DE LICENCIAS DE OBRA.
A solicitude da licencia da obra maior deberá acompañarse de proxecto duplicado suscrito polo técnico competente. O dito proxecto debe conter como mínimo os seguintes documentos:
10) Plano de situación.
30) Certificación da consulta urbanística.
41) Memoria.
No se concederá licencia se na documentación presentada non se indica o técnico encargado da dirección de obra.
Naquelas edificacións, conxuntos e espacios obxecto de protección específica no catálogo anexo deste documento ademais do dito no punto anterior, rexerán as determinacións do parágrafo 2.3.3.4. "Protección de bens culturais e naturais".
2.5.2. Aliñacións.
SOLICITUDE.
Cando se trata de obra de nova planta, ou reconstrucción, tralo derrubamento doutra anterior, será condición inescusable a solicitude previa de aliñación e rasante, que, por outra parte, pode presentar calquera propietario de terreo edificable ou terreo dentro do termo municipal, aínda cando non sexa inmediatamente seguida da solicitude de licencia de obra nova.
A concesión de aliñación non implica, en consecuencia, a licencia de construcción.
ESCALA.
A aliñación darase sobre o plano do terreo edificable e zona inmediata, a escala 1:500, referindo os seus puntos característicos a outros fixos do terreo, de maneira que quede suficientemente determinada e materializándoa sobre aquel mediante cravos ou estacas.
SINALAMENTO.
ó acto de sinalamento de aliñación concorrerá a delegación da Alcaldía, o aparellador municipal e o dono do terreo edificable, por si ou representado polo seu aparellador. De non comparecer un calquera destes dous, sen ter previamente escusado e xustificado a súa ausencia, darase por non executado o acto, e deberá aboar novos dereitos.
O terreo edificable estará libre e desembarazado de obstáculos para facilita-lo marcado da liña.
O técnico da propiedade firmará o exemplar do plano de aliñación e a acta, en sinal de conformidade, e o propietario recibirá a copia autorizada destes documentos.
OUTRAS CARACTERÍSTICAS QUE DEBEN CONSTAR NA ACTA DE ALIÑACIÓN.
Igualmente constará na acta de aliñación:
10) A liña de edificación.
21) A profundidade edificable do terreo edificable.
CONCEPTUACIÓN.
As obras que se executen sen licencia ou que non se axusten ás condicións estipuladas nela, se conceptuarán como obras abusivas e poderán ser suspendidas conforme ó disposto no artigo 248 e seguintes da LS e concordantes do Regulamento de disciplina urbanística.
OBRAS SEN LICENCIA ACORDES COAS NORMAS.
Cando unha obra abusiva construída sen licencia, cumpra as condicións destas normas, o propietario poderá legaliza-la situación da mesma, no prazo que se fixe, mediante a oportuna solicitude e o pagamento de dereitos dobres dos ordinarios. As obras non poderán continuarse ata que a legalización se consumase e os dereitos duplicaranse por cada reincidencia.
OBRAS SEN LICENCIA DISCORDES COAS NORMAS.
Cando a obra abusiva non cumpra os preceptos destas normas ou as condicións fixadas na licencia, será demolida, ben polo propietario, dentro do prazo que para iso se fixe, ou polos servicios municipais e por conta do propietario, nas condicións establecidas polo Regulamento de disciplina urbanística.
DANOS ÁS VÍAS OU SERVICIOS MUNICIPAIS.
Todo propietario que execute unha obra, de calquera natureza, será responsable ante o concello dos danos que coa súa execución poida ocasionar nas vías públicas ou servicios municipais.
OBRAS QUE AFECTEN A SERVICIOS PÚBLICOS.
Se as obras que se executan afectan a servicios de carácter xeral ou público, os propietarios o comunicarán por escrito ás empresas correspondentes ou entidades administrativas, con oito días de antelación ó comenzo das mesmas, neste prazo as ditas empresas ou entidades deberán toma-las medidas oportunas en evitación de danos propios ou dos que serán responsables desde a finalización do prazo anteriormente mencionado.
PROVISIÓN DE ENTULLOS E MATERIAIS.
Os entullos e provisións de materiais, non poderán amontoarse na vía pública, nin apoiados nas vallas ou muros de cerramento.
OBRAS DE CONSERVACIÓN DE EDIFICIOS.
As fachadas dos edificios públicos e privados, así como as súas medianeiras e paredes contiguas ó descuberto, aínda que non sexan visibles desde a vía pública, deberán conservarse nas debidas condicións de hixiene e ornato.
Obrigarase ós propietarios de calquera clase de edificacións a conservar tódalas partes da construcción en perfecto estado de solidez, co fin de que non poidan compromete-la seguridade pública.
Tódolos cidadáns teñen o dereito de denunciar ás autoridades municipais os edificios que adoezan de falta de hixiene e ornato, ou aqueles que puideran ocasionar, por mal estado dos seus elementos compoñentes (remates, chemineas, cornixas, etc.) algún dano.
ANDAMIOS E MATERIAL AUXILIAR.
En toda clase de construcción, así como no uso de maquinaria auxiliar da mesma, gardaranse as precaucións de seguridade no traballo esixidas pola lexislación vixente.
LICENCIA DE DERRUBAMENTO.
2) Queda prohibida a utilización de explosivos, salvo casos moi especiais, que necesitarán autorización expresa.
3) En caso de urxencia, por perigo inminente, poderá dispoñer no acto, a dirección facultativa da propiedade, os apontoamentos ou obras convenientes, aínda que consistan en puntais exteriores, dando conta inmediata ó concello das medidas adoptadas para a seguridade pública, sen prexuízo de solicita-la licencia no prazo das corenta e oito horas seguintes e aboa-los dereitos que proceda. En iguais circunstancias, os técnicos municipais poderán esixir que se realicen os apontoamentos ou obras que estimen necesarios.
2) Cando por circunstancias especiais non se faga aconsellable a aplicación das ditas normas, o técnico municipal correspondente fixará as características da barreira pudendo ordena-la súa desaparición total no momento en que terminen os traballos indispensables en planta baixa, continuando as obras nas plantas superiores, trala colocación dun andamio de protección que permita o tránsito pola beirarrúa e ofreza as debidas seguridades para a circulación na vía pública.
3) Cando as obras ou instalacións poidan supoñer, en si mesmas ou na súa montaxe, un perigo para os viandantes, se esixirá, durante as horas de traballo, a colocación na rúa dunha corda ou palenque cun operario que advirta do perigo. Cando as características de tránsito o aconsellen, poderá limitarse o traballo a determinadas horas.
4) Nas zonas en que sexa obrigatorio o recuamento, a barreira colocarase na aliñación oficial. Non será obrigatoria cando estea construído o cerramento definitivo, iso sen prexuízo do disposto na Lei do patrimonio histórico español.
Cando algunha construcción ou parte dela estivese en estado ruinoso, o concello, de oficio ou a instancia de calquera interesado, declarará e acordará a total ou parcial demolición trala audiencia do propietario e dos moradores salvo inminente perigo que o impedise. Iso sen prexuízo do establecido na vixente Lei do patrimonio histórico español.
DECLARACIÓN DE ESTADO RUINOSO.
Declararase o estado ruinoso nos supostos establecidos polo art. 247 da LS.
OBRIGAS DO PROPIETARIO.
Cando o edificio sexa declarado ruinoso, ben a instancia do propietario ou pola inspección municipal, aquel está obrigado a executar, pola súa conta, as obras necesarias para que tal estado desapareza, iniciando as obras no prazo de un mes. Dentro deste prazo, o propietario poderá solicita-la demora do mesmo, achegando coa solicitude informe facultativo e baixo a súa responsabilidade.
Nos oito días seguintes á finalización do anterior prazo, reuniranse os arquitectos municipais e da propiedade e redactarase acta do acordo ou desacordo entre ámbalas dúas partes resolvendo o concello á vista da mesma.
As obras que resultasen necesarias, como consecuencia da acta de acordo ou da resolución do concello, se iniciarán no prazo de unha semana e se o propietario se negase, a realización das obras necesarias para o seu apontoamento as realizará o concello por conta do obrigado.
RUÍNA INMINENTE.
Se a ruína do edificio fora tan inminente que non dera tempo para cumpri-los trámites que o parágrafo anterior especifica, o arquitecto do propietario ou o do municipio, poderán ordena-lo apontoamento ou derrubamento precisos, dando conta inmediata á Alcaldía, podendo esta dispoñe-lo desaloxo do edificio en caso necesario. En todo caso, os gastos da obra serán por conta do propietario.
EDIFICIO RUINOSO NON SUSCEPTIBLE DE REFORZO.
Cando os edificios ruinosos, non sexan susceptibles de reforzo ou estean situados fóra de liña ou rasante oficial, terán que demolerse. A demolición poderá ser efectuada polo municipio, a custa do propietario do inmoble se este se negase a efectualo.
PAGAMENTO DE DEREITOS MUNICIPAIS.
O executa-las obras por calquera dos procedementos que se derivan dos artigos anteriores, non as exime do pagamento dos dereitos municipais correspondentes.
2) O concello poderá toma-la iniciativa da normalización ou reparcelación dos terreos edificables que polos seus límites actuais ou como resultado das novas aliñacións, presenten forma irregular, e na forma establecida pola lexislación vixente. A reparcelación efectuarase agrupando tódolos terreos edificables ou terreos comprendidos na área obxecto de estudio.
3) Os proxectos de reparcelación e de normalización de terreos, recibirán a tramitación prevista no título III do Regulamento de xestión urbanística da Lei do solo.
4) Cando entre os lindes laterais dun terreo edificable e a aliñación se formen ángulos inferiores a 65 graos, o concello denegará as licencias de construcción correspondentes, se previamente os propietarios colindantes non procederon á regularización dos seus terreos edificables, mediante a compensación de superficies e establecementos dunha liña divisoria perpendicular á aliñación da rúa. Non se contemplarán máis excepcións que as que deriven de situacións consolidadas por edificacións existentes axustadas ó planeamento nos restantes aspectos.