Para comer e durmir

En terras do Morrazo, é especialmente recomendado probar o peixe, sobre todo o miúdo, que se pesca na ría, e o marisco. Temos un amplo catálogo que vai dende percebes, mexillóns, ostras, vieiras, berberechos, ameixas, navallas, luras, chocos, polbos, camaróns ou percebes ata sardiñas, chinchos, robalizas, fanecas, bolos, etc., por falar soamente dunhas cantas variedades. Con preguntar en calquera dos lugares, enseguida lle han recomendar onde se prepara ben unha ou outra especialidade. Por suposto, no hai que deixar de probar os camaróns, as nécoras, o polbo e os mexillóns. No verán ademais están especialmente saborosas as luras pequenas procedentes da técnica do 'boliche', os choquiños, os chinchos ou as sardiñas.

Non esquecer tampouco que en Moaña aínda se fai o pan tradicional de trigo ou millo en forno de leña, que é ideal para acompañar calquera destes pratos. Recoméndase unha visita ás distintas parroquias, en busca deses lugares para comer e beber que teñen dende o encanto da taberna tradicional, á sofisticación dos novos restaurantes.